TN Sports Person Pension Scheme: தமிழக அரசானது மக்களின் முன்னேற்றத்திற்காக பல்வேறு வகையான அறிவிப்புகளை வெளியிட்டு வருகிறது. பெண்களின் நலன் மற்றும் வளர்ச்சிக்காக கலைஞர் மகளிர் உதவி திட்டம் மற்றும் இலவச பேருந்து திட்டம் ஆகியவற்றை அறிமுகப்படுத்தியது. இதன் மூலம் பெண்கள் பெருமானார் நல்ல பலனை அடைந்து வருகின்றனர்.
பெண் பிள்ளைகள் கல்வி பயில புதுமைப்பெண் திட்டம் கொண்டு வந்து உயர்கல்வி படிக்கும் மாணவிகளுக்கு மாதம் ஆயிரம் ரூபாய் வழங்கும் திட்டம் தற்போது செயல்பட்டு வருகிறது. மாணவிகள் மட்டுமல்லாமல் மாணவர்களும் உயர்கல்வி பெற தமிழ் புதல்வன் திட்டம் துவங்கப்பட்டு மாதம் ரூபாய் ஆயிரம் அவர்களின் வங்கி கணக்குகளுக்கு வரவு வைக்கப்பட்டு வருகிறது.
அதுபோல தற்போது தமிழ்நாடு மாநில அரசு முன்னாள் விளையாட்டு வீரர்களின் நீண்டகால சேவையை பாராட்டி, அவர்களின் வாழ்கைத் தரத்தை மேம்படுத்த ஒரு ஓய்வூதிய திட்டத்தை அறிமுகப்படுத்தியுள்ளது. இந்த திட்டத்தின் கீழ், தகுதியான முன்னாள் விளையாட்டு வீரர்களுக்கு மாதம் ரூ. 6,000 ஒதுக்கீடு செய்யப்படுகிறது, இது அவர்களின் எதிர்கால நலனுக்கு உதவக்கூடியதாக இருக்கும்.
ஓய்வூதியம் பெற தகுதிகள்:
இந்த ஓய்வூதியத்தை பெற, விண்ணப்பதாரர்கள் பின்வரும் தகுதிகளை பூர்த்தி செய்ய வேண்டும். சர்வதேச அல்லது தேசிய அளவிலான போட்டிகளில் பங்கேற்ற மற்றும் குறிப்பாக முதலிடம், இரண்டாம் இடம் அல்லது மூன்றாம் இடத்தைப் பெற்ற விளையாட்டு வீரர்கள் இந்த திட்டத்திற்கு தகுதியானவர்கள்.
மேலும், அவர்களின் விளையாட்டு சாதனைகள் மிக முக்கியமானவையாகும், ஏனெனில் இதன் மூலம் அவர்கள் இந்த திட்டத்தின் கீழ் பயனடைந்து சிறந்த நலன்களைப் பெற முடியும். விளையாட்டில் தங்களை அர்ப்பணித்திருக்கும் முன்னாள் வீரர்களுக்கு மட்டுமன்றி, விளையாட்டு மேடையில் சாதனைகளை நிகழ்த்திய அனைவருக்கும் அரசு இத்திட்டத்தின் மூலம் உதவுகிறது.
இது சமூகத்தில் விளையாட்டு வீரர்களின் பங்களிப்பைக் கௌரவிப்பதற்கும், அவர்கள் தங்கள் ஓய்வூதிய வாழ்க்கையில் பொருளாதார ஆதரவைப் பெற உதவுவதற்கும் வழிவகுக்கும்.
வயது வரம்பு:
இந்த திட்டத்தின் கீழ் ஓய்வூதியம் பெறுவதற்கு விண்ணப்பதாரர்கள் 31.08.2024 தேதியில் 58 வயதை அடைந்திருக்க வேண்டும். இது குறிப்பிட்ட வயதிற்குப் பிறகு தகுதியான விளையாட்டு வீரர்கள் ஓய்வூதியத்தைப் பெற உதவுகிறது. விளையாட்டு வீரர்களின் ஓய்வு காலத்தில் அவர்கள் எதிர்கொள்ளும் பொருளாதார சவால்களை சமாளிக்க இதுபோன்ற திட்டங்கள் அவசியமாகின்றன.
வருமான வரம்பு:
இந்த திட்டத்தின் கீழ், விண்ணப்பதாரர்களின் மாதாந்திர வருமானம் ரூ. 6,000 மட்டுமே இருக்க வேண்டும். இதன் மூலம் உண்மையான பொருளாதார தேவையுடைய முன்னாள் வீரர்களுக்கு உதவ முடிகிறது. இதுபோலே, மற்ற சலுகைகளைப் பெறுபவர்கள் இந்த திட்டத்திற்கு தகுதி இல்லாமல் இருப்பார்கள், அதாவது, ஏற்கனவே ஒன்றிய அல்லது மாநில அரசால் ஓய்வூதியம் பெறுபவர்கள் இந்த திட்டத்தில் விண்ணப்பிக்க தகுதி பெற முடியாது.
விண்ணப்பிக்கும் முறை:
விண்ணப்பதாரர்கள், 30.09.2024 அன்று மாலை 6 மணிக்குள் விண்ணப்பத்தைச் சமர்ப்பிக்க வேண்டும். விண்ணப்பங்கள் நேர்மையான முறையில் சரிபார்க்கப்படும், மேலும் தகுதியானவர்களுக்கு ஓய்வூதியம் வழங்கப்படும். மேலும், விண்ணப்பதாரர்கள் sdatservices.tn.gov.in என்ற இணையதளத்தைப் பயன்படுத்தி விண்ணப்பிக்கலாம். தகுதியுள்ளவர்கள் உடனே விண்ணப்பிங்க!
விண்ணப்பிப்பதற்கான தொடங்க தேதி: 10 செப்டம்பர் 2024
விண்ணப்பிப்பதற்கான கடைசி தேதி: 30 செப்டம்பர் 2024
ஆன்லைனில் விண்ணப்பிக்கவும்: Apply
